თუ ჩვენგან საკვებ დანამატებს შეუკვეთეთ, გადახდის დადასტურების მიღებიდან 24 საათის განმავლობაში შეკვეთილი დანამატები თქვენ მიერ მითითებულ მისამართზე გამოგეგზავნება.
თუ გენეტიკურ ტესტს ან სხვა ანალიზ(ებ)ს შეუკვეთეთ, მოქმედების ალგორითმი ასეთია:
- შეკვეთის გადახდის დადასტურების მიღებიდან 24 საათის განმავლობაში გიგზავნით სპეციალურ ნაკრებს (იხ. ფოტო).
ნაკრების შიგნით ნაპოვნით სპეციალურ პლასტმასის კონტეინერს, რომელშიც კონკრეტული ტესტისთვის საჭირო სინჯარა/სინჯარები, სინჯარების ღრუბლისებრი სადგამი და ეტიკეტები დევს, რომლებზეც უნდა მიუთითოთ გამოსაკვლევის სახელი, გვარი და დაბადების თარიღი.
შევსებული ეტიკეტები სინჯარ(ებ)ზე უნდა დააკრაოთ.
- ვენური სისხლის (ჩვეულებრივ 3–5 მლ) აღების შემდეგ სინჯარა ან სინჯარები (სინჯარების/ვაკუტეინერების რაოდენობა და ტიპი შერჩეულ ტესტზე დამოკიდებულია) უნდა მოთავსდეს ღრუბლისებრი სადგამის ხვრელებში, რომელიც პლასტმასის ცილინდრულ კონტეინერშია, შემდეგ კონტეინერის ხუფი საათის ისრის მიმართულებით ბოლომდე უნდა მოიხრახნოს.
- მოათავსეთ პლასტმასის კონტეინერი მუყაოს შეფუთვაში.
- შეავსეთ ანალიზს თანდართული კითხვარი.
- ჩადეთ კითხვარი მუყაოს შეფუთვაში და დახურეთ.
- მოათავსეთ მუყაოს შეფუთვა კონტეინერით საკურიერო სამსახურის პლასტმასის კონვერტ-პაკეტში (ან ყუთში).
- ამობეჭდეთ საკურიერო სამსახურის ფურცელი (ელ. ფოსტით გამოგიგზავნით) და ჩადეთ პლასტმასის კონვერტ-პაკეტის (ან ყუთის) შესაბამის სარკმელში.
- ჩაბეჭდეთ პლასტმასის კონვერტ-პაკეტი (ან ყუთი) და გამოიძახეთ საკურიერო სამსახური.
ბიოლოგიური მასალების შეფუთვა და გაგზავნა ხდება ევროპული ნორმატივების UN3373-ის მკაცრი დაცვით (სამმაგი შეფუთვა, მარკირება გარე ყუთზე, P650 შეფუთვის ინსტრუქციის დაცვა).
ამ ნორმების დაცვა კანონის მოთხოვნაა და ბიომასალის ადრესატამდე სწრაფი, უსაფრთხო და ეფექტიანი მიწოდების წარმატების საწინდარი.